ကတိက၀တ် ၁ - ကုန်အမှတ်တံဆိပ်များသည် ၀ယ်ယူသည့်စျေးနှုန်းများတွင် လုပ်ခလစာအား အသေးစိတ် ကုန်ကျစရိတ် အဖြစ် ထည့်သွင်းထားရန် ကတိက၀တ်ပြုထားသည်။
ကတိက၀တ် ၂ - ကုန်အမှတ်တံဆိပ်များသည် ငွေပေးချေမှု စည်းကမ်းချက်များတွင် မျှတမှု ရှိစေရန် ကတိက၀တ် ပြုထားသည်။
ကတိက၀တ် ၃ - ကုန်အမှတ်တံဆိပ်များသည် ပိုမိုကောင်းမွန်သော စီမံကိန်းရေးဆွဲခြင်းနှင့်ခန့်မှန်း တွက်ချက် ခြင်းများ အတွက် ကတိက၀တ်ပြုထားသည်။
ကတိက၀တ် ၄ - ကုန်အမှတ်တံဆိပ်များသည် တာ၀န်ယူမှုရှိသော ထုတ်ကုန် ရှာဖွေခြင်းနှင့် ၀ယ်ယူခြင်းဆိုင်ရာ သင်တန်းတက်ရောက်ရန် ကတိက၀တ်ပြုထားသည်။
ကတိက၀တ် ၅ - ကုန်အမှတ်တံဆိပ်များသည် တာဝန်ယူမှုရှိသော လုပ်ငန်းဆုတ်ခွါခြင်းဆိုင်ရာ မဟာဗျူဟာများကို ကျင့်သုံးရန် ကတိက၀တ်ပြုထားသည်။

ဤမူဘောင်သည် ACT အဖွဲ့၀င်ကုန်အမှတ်တံဆိပ်များအား ၄င်းတို့၏ ဝယ်ယူမှုအလေ့အကျင့်ဆိုင်ရာ ကတိက၀တ် များအား အကောင်အထည်ဖော်ရန်အတွက် သဘောတူညီထားသော ညွှန်ကိန်းများ နှင့်စောင့်ကြည့်လေ့လာရေး နည်းလမ်းများကို ပံ့ပိုးပေးသည်။ ACT အဖွဲ့၀င် ကုန်အမှတ်တံဆိပ်များသည် ၄င်းတို့၏ ၀ယ်ယူမှု အလေ့အကျင့် များဖြင့် မိသားစုစား၀တ်နေရေး ဖူလုံစေမည့် လုပ်ခလစာ ပေးချေမှုကို ပံ့ပိုးပေးရန် သေချာစေမည် ဖြစ်သည်။

အလုပ်သမားစားရိတ် လုပ်ထုံးလုပ်နည်းသည် ကုန်အမှတ်တံဆိပ်များအား ၀ယ်ယူမှုအလေ့အကျင့်၏ ကတိကဝတ် ကို အကောင်အထည်ဖော်ရာတွင် နားလည်မှုစာချွန်လွှာ၌ ဖော်ပြထားသည့်အတိုင်း ကုန်ပစ္စည်းကုန်ကျစရိတ်တွင် လုပ်ခလစာ နှင့် တိုးမြင့်လာသော လုပ်အားခကို ခြုံငုံမိစေရန် လမ်းညွှန်ပေးသည်။

ACT အမှတ်တံဆိပ်၀င်များသည် ကုန်ပစ္စည်းဝယ်ယူမှု အလေ့အကျင့်များနှင့်စပ်လျဉ်း၍ တစ်ကမ္ဘာလုံးအတိုင်း အတာဖြင့် ကတိကဝတ်ပြုခြင်းများထဲမှ အချက် ၅ အား အကောင်အထည်ဖော်ရာတွင် တူညီသော ချဉ်းကပ်မှုတစ်ခုအား ပံ့ပိုးပေးရန် တာ၀န်ယူမှုရှိသော လုပ်ငန်းဆုတ်ခွါခြင်းဆိုင်ရာ မူ၀ါဒ နှင့် စစ်ဆေးရမည့် စာရင်း ကို သဘောတူထားသည်။ ACT အဖွဲ့၀င် ကုန်အမှတ်တံဆိပ်အားလုံးသည် ၄င်းတို့၏ တာ ၀ န်ယူမှုရှိသော လုပ်ငန်းဆုတ်ခွါခြင်း ဆိုင်ရာ ရုံးတွင်း မူဝါဒများနှင့် လုပ်ငန်းစဉ်သည် ဤစာတမ်းတွင် ဖော်ပြထားသော စံချိန်စံညွှန်းများနှင့် အနိမ့်ဆုံးကိုက်ညီမှုရှိရန် သဘောတူညီခဲ့ကြသည်။

ဤကတိက၀တ်များသည် စက်မှုလုပ်ငန်းအဆင့်တွင် စုပေါင်းညှိနှိုင်းသဘောတူညီမှုကို ပထမဆုံး လက်မှတ် ထိုးသော နိုင်ငံများအတွက် အထူးအထောက်အပံ့များပေးသည်။ နိုင်ငံများအနေဖြင့် ငွေကြေးဖောင်းပွမှုနှင့် ကုန်ထုတ်လုပ်မှုတိုးတက်မှုထက် ကျော်လွန်သောလုပ်ခလစာတိုးပွားမှု၊ လွတ်လပ်စွာအသင်းအပင်းဖွဲ့စည်းခြင်းကို အပြည့်အဝလေးစားခြင်း နှင့်စောင့်ကြည့်ကြီးကြပ်ရေးယန္တရားများရှိခြင်း စသည်တို့ကို သေချာစေသည့် စက်မှုလုပ်ငန်းအဆင့် စုပေါင်းသဘောတူညီချက်ရှိပါက ၎င်းအထောက်အပံ့ ကတိကဝတ်များမှ အကျိုးခံစား နိုင်သည်။