လက်ရှိအခြေအနေတွင် အဓိကစိုးရိမ်ပူပန်မှုမှာ အလုပ်သမားများသည် လုံခြုံရေးအခြေအနေများကြောင့် အလုပ်မတက်နိုင်သည့်အခြေအနေများတွင် ၄င်းတို့အားကာကွယ်ပေးရေး ပင်ဖြစ်သည်။ အလုပ်သမားများ၏ လုံခြုံရေး နှင့် အလုပ်ရပ်စဲခြင်းဆိုင်ရာ ACT မူဘောင်သည် ဤစိန်ခေါ်မှုကို ဖြေရှင်းရန်ရည်ရွယ်သည်။

မကြာသေးမီကဖြစ်ရပ်များကြောင့် ကမ္ဘာအနှံ့ရှိကုန်အမှတ်တံဆိပ်များနှင့် လက်လီအရောင်းဆိုင်များသည် မြန်မာနိုင်ငံမှ ထုတ်လုပ်မှု အမှာစာများခေတ္တရပ်နားခြင်းများ ရှိခဲ့သည်။ ဤအခြေအနေကို အတူတကွဖြေရှင်းရန် တိကျသော ACT မူဘောင်တစ်ခုလိုအပ်သည်။ ထို့ကြောင့် တာ၀န်ယူမှုရှိသော ကုန်အမှာစာ ရပ်ဆိုင်းခြင်းဆိုင်ရာ ACT မူဘောင်သည် အလုပ်ရှင်နှင့်အလုပ်သမားများအပေါ် အကျိုး သက်ရောက်မှု အနည်းဆုံး ဖြစ်အောင် ကြိုးပမ်းထားသည့် ချဉ်းကပ်မှု တစ်ရပ်ဖြစ်သည်။

မြန်မာနိုင်ငံ၏လက်ရှိအခြေအနေအရ ACT အဖွဲ့၀င်များသည် အလုပ်သမားအခွင့်အရေးများအား လေးစား လိုက်နာြခင်းနှင့် ပတ်သက်ပြီး မြန်ဆန်စွာ အငြင်းပွားမှုဖြေရှင်းမှုယန္တရား (DRM) တစ်ရပ်ကို ကိုဖော်ထုတ်ခဲ့ကြ သည်။ အဆိုပါယန္တရားသည် အငြင်းပွားမှုများကို အမြန်ဆုံးနှင့်အကျိုးရှိရှိဖြေရှင်းရန် ရည်ရွယ်သည်။

၂၀၂၀ ခုနှစ်တွင် ကမ္ဘာလုံးဆိုင်ရာ ACT ကုန်အမှတ်တံဆိပ်များ၊ ၄င်းတို့၏ ကုန်ပစ္စည်းပေးသွင်းသူများ၊ မြန်မာနိုင်ငံတွင်း နှင့် ကမ္ဘာလုံးဆိုင်ရာ အလုပ်သမားသမဂ္ဂများသည် ကပ်ရောဂါ၏အဆိုးဆုံးသက်ရောက်မှုများမှ စက်ရုံ၊အလုပ်ရုံများ နှင့် အလုပ်သမားများအား ကာကွယ်ရန် “ မြန်မာနိုင်ငံ COVID-19 အကြပ်အတည်း ကာလအတွင်း - အလုပ်သမားများ၏ ကျန်းမာရေးနှင့် လူမှုဖူလုံရေးကို ကာကွယ်ခြင်း၊ စက်ရုံများအား ကာကွယ်ခြင်း နှင့် အလုပ်သမားများနှင့်စက်ရုံများ၏ငွေပေးချေမှုကို ပံ့ပိုးခြင်းတို့အတွက် အတူတကွ လုပ်ဆောင်ခြင်း” ဆိုင်ရာ မူဘောင်တစ်ရပ်ကို ညှိနှိုင်းခဲ့သည်။ ။

၂၀၁၉ ခုနှစ်တွင် မြန်မာနိုင်ငံစက်မှုလက်မှုအလုပ်သမားများသမဂအဖွဲ့ချုပ် (IWFM) နှင့် ACT အမှတ်တံဆိပ်များ အား ချုပ်လုပ်တင်ပို့ပေးနေသော အလုပ်ရှင်လုပ်ငန်းအဖွဲ့တို့သည် မြန်မာနိုင်ငံ FoA လမ်းညွှန်ချက်ကို ညှိနှိုင်း၊ သဘောတူခဲ့ကြကာ မြန်မာနိုင်ငံအထည်ချုပ် နှင့်ခြေ၀တ်တန်ဆာလုပ်ငန်း နယ်ပယ်ရှိ အလုပ်ရှင်များနှင့် အလုပ်သမားများအကြား အပြုသဘောဆောင်သည့် ဆက်ဆံရေးများရရှိရန် ရှေးရှူကာ ကြီးမားသောခြေလှမ်း တစ်ရပ်ကို လှမ်းနိုင်ခဲ့သည်။ i